Shadow

Ika 36 nga EDSA anniversary gindumdom

Mga katapo sang Federation of Urban Poor ang nagtipon kaina sang aga sa monumento ni Ninoy Aquino sa dalan Araneta sa Bacolod sa pagdumdom sang ika 36 ang anibersaryo sang EDSA people power revolution.

Bayan Negros naman ang nagtipon sa Fountain of Justice para isinggitan nga indi dapat malipatan ang kahulugan sang EDSA.

Suksok ang yellow nga t-shirt kag bitbit ang mga flaglets ginhanduraw sang Federation of Urban Poor paagi sa mga kanta ang maragtason nga hitabo sang tuig 1986 nga nag resulta sa pagpahalin sang diktador nga si Ferdinand Marcos.

Naghalad ang grupo sang bulak kag pangamuyo ilabi na para sa ginapaabot nga eleksyon. “Edsa 2022: People Power is vote power” ang nangin tema sang pagtililipon.

Suno kay Joy Jarabelo ang provincial head sang grupo, gina pamatukan nila ang revisionism sang history. Maayo nga panghimanwa ang panawagan kag mag pili sang maayo nga lider sa maabot nga Mayo.

Para naman kay Ereneo Longinos sang Bayan – Negros, dapat nga mapangapinan sang pilipino ang gindulot sa demokrasya sang EDSA people power.

Secured By miniOrangeSecured By miniOrange