Traffic personnel restricted samtang gin-usisa bangud gina-alegar nagabaton sang suhol sa mga truck ban violator.
Isa ka traffic personnel ang nakuhaan sang video sa akto nga pagbaton sang ginapatihan suhol sa isa ka driver sang truck nga nagsupak sang truck ban sa downtown area sa Bacolod sang nagligad nga inadlaw.
Gani insigida nga ginpatawag sang pamunuan sang BTTMD ang job order worker para mauisa.
Ginpahayag ni BTTMD OIC Patrick Lacson nga restricted karon ang amo nga traffic personnel nga posible mapahalin sa serbisyo.
Gindugang ni Lacson nga magserbe nga leksyon sa pila pa ka mga katapo sang BTTMD ang amo nga insidente ilabi na nga wala gina-tolerate sang iya pamunuan ang korapsyon.
Nagpasalamat man si Lacson sa netizen nga nagpadala sang video para matagaan gilayon sang aksyon ang insidente.