Floodgate project ginapaabot matigayon sa diversion channel sa reclamation area.
Nahawanan na ang kilid sang dalan malapit sa Mambuloc Bridge kun diin maga-angut ang gina-construct nga diversion channel sa reclamation area sa Bacolod.
Ginsiling ni Congressman Greg Gasataya maga-coordinate pa siya sa DPWH regional office para sa resumption sang construction sang diversion channel nga amo ang ginapaabot magahatag solusyon sa problema sa baha sa amo nga area.
Kabahin sang proyekto ang pag-angut sang mga drainage system sa palibot sang reclamation area sa diversion channel.
Ginalauman sang kongresista nga matigayon pati ang pasalig sang DPWH nga masuguran pati ang construction sang floodgate nga iga-angut kun mahuman na ang channel.