Ginmando na sang alkalde sang Valladolid ang pag pauntat sang tanan nga tourism kag economic activities sa Boulevard sa Valladolid kasunod sang pag kadalasa sang fuel tanker sang food carts nga nahamtang sa amo nga area.
Sa Executive Order nga gin pa gwa ni Mayor Ricardo Presbitero, effective ang pag suspend sang mga economic kag tourism activities 12nn sang July 6.
Patigayunon ang safety assessment kag ang pag patuman sang naga kaigo nga traffic public safety measures suno kay Presbitero.
Duha ang napatay kag isa ang nasamaran sang mabungguan sang fuel tanker ang mga food carts sa boulevard sang Domingo, July 5.
Ang may initiative sa mga tourism kag economic activities sa area suno kay Presbitero ang Brgy Council sang Palaka.
Gintalakay sang Lunes ang mga operational plans nga bag-o suno sa iya.
Gina paabot nga maga resume ang activities sa area kun mapatuman na ang mga safety measures nga ginkasugtan.
Naga pakig-angut man sila sa Department of Public Works and Highways sa signage nga 30 km/hour lang ang speed limit sa area kag pag pahamtang sang mga solid lines kag iban pa.
Naghatag naman sila sang assistance sa mga nahul-an kag sa ila nga pamilya.
[sibwp_form id=1]