Pila ka security kag public safety assets sang kapulisan, coast guard kag military ang gin-deploy sa Silliman University sa Dumaguete City bangud sang reported bomb threat paagi sa email.
Na-inform angut sa security threat ang Facilities Management Services sang eskwelahan Lunes sang hapon.
Nagpatigayon sang clearing operations sa school campus ang Explosive Ordnance Disposal (EOD) personnel sang Police Regional Office-Negros Island Region kag K9 units halin sa Philippine Coast Guard kag Armed Forces of the Philippines.
Ang mga estudyante, faculty, staff kag mga bisita sa unibersidad ang ginpagwa sa campus buildings kag dormitories samtang nagapadayon ang clearing kag inspection procedures.
Subong nga Martes, Hulyo 7, gin-shift sa alternative learning delivery ang klase sa tanan nga levels sa nasambit nga eskwelahan,kag depende na sa ila tagsa ka instructor.
Nagpaandam ang kapulisan nga sarang makasohan ang mga tawo nga nagahimo sang false bomb threats kag nagapalapta sang sala nga impormasyon.
[sibwp_form id=1]