Sangguniang Panlalawigan sang Negros Occidental ang nag patigayon sang inaugural session sini nga hapon. Gobernador ang nag hatag man sang iya nga inaugural address.
Sa masunod nga tatlo ka tuig ginsiling ni Governor Eugenio Jose Lacson nga magatutok ang iya nga administrasyon sa pag pabaskug sang sub-provincial health systems, sa paghimo sang Teresita Locsin Jalandoni Provincial Hospital bilang APEX hospital kasubong man mag expand sang access paagi sa telemedicine kag support infrastructure.
Sa patag naman sang agriculture, maga invest ang probinsya sa infrastructure, pag promote sang high value crops para mapabaskug ang food security kag rural transformation.
Environmental sustainability ang maga pabilin nga priority paagi sa greenbelt zones, responsible mining kag climate resilience efforts.
Ginsiling man ni Lacson nga maga pasar sang Provincial Energy Code.
Education and human capital development ang maga padayon paagi sa NOLITC campus, global learning partnerships, kag scholarships paagi sa NOSP.
Sa pihak bahin ginsiling naman ni Vice Governor Jose Benito nga sa Abanse Negrense brand of governance nakit-an ang pag ayo sang access sang mga Negrosanon sa patag sang healthcare, edukasyon kag employment. Iya man ginsiling nga ang SP indi mangin rubber stamp.
Sa pihak nga bahin sa inaugural session gin approve ang revised internal rules ang procedure kag gin aprobahan ang mga committee chairmanship.
Gin concur man ang reappointment nanday Provincial Legal Officer, Alberto Nellas kag Provincial Administrator, Rayfrando Diaz.