Ginlunsar sang probinsya ang Teresita Lopez Jalandoni Provincial Hospital Family Planning Training Center kaina.
Ini ang pinaka una nga family planning training center nga provincial government run sa bilog nga pungsod suno kay Governor Eugenio Jose Lacson.
Suno naman kay Dr Mary Ann Maestral ang chief of hospital sang TLJPH, tinutuyo sini nga ma train ang mga duktor, nurses kag mga midwife sa family planning competencies. Gina paabot ang pag padala sang mga local government units sang ila na mga personnel para mag paidalom sa amo nga training.
Kalakip sa mapangapinan sa idalom sang family planning nga kampanya ang ikaayong lawas sang mga iloy kasubong man ang pagpasanyog sa bahin sang economic status sang mga pamilya. Tuyo man ang pagpabakod sa kampanya konta teenage pregrancies nga isa sa mga gina atubang nga pag panghangkat karon.
Ang training team ang gina pamunuan ni Dr Mark Leong nga maga patigayon sang training sa kada batch nga gina tapuan sang 20 ka participants. Upod man sa launching ang tiglawas sang USAID nga si Dr Laurentiu Stan.
Samtang, gin lunsar man ang Negros Occidental Electronic Logistics Management Information System nga naga tuyo sa pag hatag sang real time inventory sa mga bulong kag gina lauman nga maga paayo sang delivery sang mga stocks sa mga ospital sa probinsya, sandig sa actual situation. Paagi sini malikawan ang overstocking kasubong man pag expire sang mga bulong.