800 ka mga hog raisers nga nagkala patyan sang baboy bangud sang nagkalain-lain nga mga balatian ang maga batun sang ayuda sini nga Pebrero.
Suno kay Provincial Social Welfare and Development Officer, Chiqui Gonzales, sa Pebrero 13 naka schedule ang pagpanagtag sang tig P2,000 sa mga apektado sa pila ka mga barangay sa San Enrique, Valladolid kag Hinigaran.
May payout naman para sa 196 kag hog farmers sa Victorias kag 200 sa Ilog pero ini ang iga schedule pa. Sang bulan sang Disyembre may 800 na ka hog farmer sa Ilog man ang nahatagan sang tig P2,000 nga ayuda.
Sa kabilugan, 10 million pesos ang gin pain sang probinsya bilang bulig, pero tungod sang kabudlayan sang mga beneficiaries sa pag comply sa gina require nga dokumento na-delay ang pag panagtag rason nga gin kada barangay ang tagtaganay para mas mangin mahapos suno kay Gonzales sang sa tingubon sa bilog nga LGU.