Nag paandam sa publiko ang Lils Diner, isa ka kalan-an sa 11th Lacson Street sa Bacolod matapos mabiktima sang kawatan.
Antes natabo ang pag pangawat las kwatro sang kaagahon sang Biyernes, nakuhaan na sa CCTV ang duha ka lalaki nga nagpa kuno-kuno nga mabakal sigarilyo pero wala sang sigarilyo nga gina baligya ang kalan-an.
Nagduda na ang staff sang kalan-an sa duha nga daw naga pamantay na sang plastada sang kalan-an.
Biyernes sang kaagahon liwat nagbalik ang isa sa ila. Amo man gyapon nga kalo ang ginagamit sang suspek gani natandaan sang staff ang iya hitsura.
Hinali niya na lang gin palagyo ang tip box sang kalan-an.
Sa tip box naga bilin sang tip ang mga customer kag ini ang naga hatag sang kalipayan sa mga staff kun mag tungaay na sa tip.
Gin pa-record na sang staff sang kalan-an ang insidente sa PNP.
Nagapanawagan man sila sa publiko sa mahimo nakakilala sa mga suspek nga makig angut sa ila ukon sa pulis.