Patay ang 49-anyos nga tricycle driver matapos gintiro sang wala pa makilala nga persona sa Sitio Gumamela, Brgy. Enclaro banwa sa Binalbagan Hwebes sang udto.
Suno kay Police Major Jun Ray Batadlan, hepe sang Binalbagan PNP, sakay sa iya gina biyahe nga tricycle ang biktima nga si Jonathan Osorio, sang gintiro sang persona nga naga sunod sa iya.
Suno sa PNP, gilayon nga nagpalagyo ang mga suspek nga naga-angkasanay sa motor. May igo sang bala sa likod ang biktima.
Gilayon nga gindala sa infirmary clinic ang biktima pero napatay.
Sa imbestigasyon sang kapulisan, posible nga lansihanay sa transaksyon sa iligal nga droga ang motibo sa krimen.
Ang biktima ang napaidalum na sa Community Based Drug Rehabilitation Program.
Padayon pa ang imbestigasyon sang PNP sa sini nga kaso.