Isa ka kadalag-an ang pinaka una nga Terra Madre Asia and Pacific nga ginsakdag sa Provincial Capitol Lagoon sadtong Nobyembre 19 tubtob 23.
Ini sandig sa pahayag nga gin-release sang organizers.
May 2,500 ka delegates gikan sa nagkalain-lain nga bahin sang kalibutan ang nagtambong kag gina bulubanta 75,000 ang nagbisita.
Suno sa organizers, P46.5 million ang event-related sales. Suno kay TMAP 2025 Executive Director Reena Gamboa nabase ini sa consolidated reports sang actual sales sa sulod sang lima ka adlaw.
Ang P46,586,200 total sales nag gikan sa sales sang major events kaangay sang Street Food Exhibition, Restaurant and Bar Takeovers, Slow Food Travel, kag Taste Workshops, kag donations gikan sa coffee and Slow Drinks.
Wala na diri madala ang income gikan sa hotel bookings, restaurant sales, tourist arrivals, kag iban nga tourist-related computations.
Ginsiling naman ni TMAP 2025 Co-Chair kag Slow Food International Councilor for Southeast Asia Ramon “ChinChin” Uy Jr., nga ang 18th Negros Island Organic Farmers Festival—nga dungan ginhiwat sa South Capitol Road kag gina manage sang Office of the Provincial Agriculturist kag separado sa Terra Madre event—ang nag benepisyo.
Nakaganar ini sang P1.4 million sa total purchases gikan sa TMAP.
Suno kay Uy, ang mga Chefs, mixologists, Slow Food communities, kag Cooks Alliance members ang nag source sang ila nga local ingredients gikan sa organic farmers and fisherfolk nga nagpakigbahin sa Organic Festival.
Sang Miyerkules nag pabutyag sang iya nga pag ka dismaya si Negros Occidental Governor Eugenio Jose Lacson bangud sa datus sang OPA, P185,000 lamang ang naga ganar sang organic farmers gikan sa TMAP-related sales.
Suno kay Lacson nakabaton siya sang text gikan kay Congressman Albee Benitez nga naga suggest nga mag compare notes ang OPA sa Terra Madre.
Suno kay Lacson maga compare notes ang OPA kag mahibaluan kun ano ang real story.*
[sibwp_form id=1]