Technical Working Group para sa Negros Island Region ang maga convene na.
Suno kay Negros Occidental Governor Eugenio Jose Lacson nga katapo man sang technical working group, maga convene na sila kag as of press time iya gina hulat ang official nga communication bahin diri.
First time suno kay Lacson nga siya ang mangin katapo sang TWG.
Isa sa iya nga luyag ma klaruhon amo nga kun bala may yara sang ipahamtang nga regional offices sa isa ka area ukon iga divide ang mga regional offices sa Negros Occidental kag Oriental sandig sa nakasaad sa laye.
Para kay Lacson mangin isa ka learning experience ang mangin katapo sang TWG.
Mga tiglawas gikan sa Office of the President, Department of Budget and Management, Department of the Interior and Local Government (DILG), offices of the governors sang Negros Oriental, Negros Occidental kag Siquijor, Bacolod City, kag tanan nga elected members sang House of Representatives ang mangin katapo sang Technical Working Group.
Ang TWG ang maga pat-od sang implementing rules ang regulation sa pag patuman sang NIR. Ginalauman nga mangin operational na ang NIR antes magtakop ang tuig.