Mga remnants ukon nabilin nga katapo sang rebeldeng NPA sa Negros ang low morale na.
Ini suno sa pamuno sang 303rd brigade sang Philippine Army sa Negros nga nagsiling man nga yara na sa survival stage ang remnants sang NPA.
Paathag ni B/Gen Orlando Edralin nadula na ang masa nga naga suporta sa ila.
Ang mga guerilla fronts naman nga sadto naga operate sa Negros ang na dismantle na.
Sa nagligad nga isa ka tuig kag walo ka bulan suno kay Edralin nga natalana naman mag retire, wala naka patuman sang madinalag-on nga tactical offensive batuk sa gobyerno ang rebeldeng grupo.
Kaina sang aga sa social hall sang Provincial Capitol tigayon nga nag panagtag sang 228,000 pesos nga balor sang financial assistance ang gobyerno probinsyal sa mga anay rebelde kag Sambayanan Negros organizers nga nagbulig sa rebel integration programs.
Ginsiling naman ni Governor Eugenio Jose Lacson nga ginasuportahan ang mga naga balik sa sabak sang gobyerno kag wala gina pabay-an.
Ang kadalag-an indi lamang gikan sa mga civilian organizations suno sa iya daku ang bulig sang mga katapo sang militar kag PNP.