Shadow

Taxi nabungguan sang truck samtang naga paliko sa Brgy. Sum-ag sa Bacolod

Naipit sa tunga sang truck kag sang salsalon nga baral sa higad sang dalan ang isa ka taxi sa may Crossing Abuanan, Barangay Sum-ag sa Bacolod City kaina sang aga.

Wasak ang windshield sang taxi bangud sang pagkabunggo.

Istorya sang truck driver nga si Esperedion Albanzes, pag sinyas sang traffic enforcer nga maka liko na siya, nagliko siya patuo.

Wala niya ma deparahan ang naga hingagaw man liko nga taxi sa natuo niya nga side gani nabungguan ini.

Ginkilala naman kay James Polmitan ang driver sang taxi. Suno kay P/CPT.

Michael Tuburan , OIC sang Police Station 9 , nagasundanay ang duha ka mga truck, sang nagliko na ang ika-duha nga truck patu-o sa dalan Araneta, naghingagaw man liko ang taxi rason nga na saga-id ini sang truck.

Yara ini sa blind side sang truck.

Wala nasamaran ang taxi driver sa amo nga insidente.

Secured By miniOrangeSecured By miniOrange