Tatlo ka soldado ang nasamaran sa engkwentro nga nag luntad sa tunga sang katapo sang 79th Infantry Battalion sang Philippine Army kag rebeldeng New People’s Army sa Sitio Bairan sa Brgy General Luna sa Toboso pasado las 7 kaina sang aga.
Ginsiling ni Captain Armel Lasap ang hepe sang Toboso PNP, nagluntad ang engkwentro sa tunga sang katapo sang militar kag mga pito ka remnants sang NPA mga las 7:12 kaina, Martes sang aga. Wala pa man sang impormasyon ang pulis kun may nasamaran sa bahin sang NPA.
Sa video nga kuha ni Ruby Hinilo mabatian pa ang linupok sa kabukiran.
May 252 naman ka mga persona gikan sa palibot nga lugar ang gin-evacuate.
Ini sila suno kay Councilor Richard Jaojoco ang temporaryo nga gin patenir sa Amparado Elementary School sa Sitio Burgos sa General Luna kag sa covered court sang General Luna proper.
Tigayon na sila nga nahatagan sang nagakaigo nga assistance.
Suno kay Jaojoco, as of press time, naga hulat na lamang sila sang clearance gikan sa militar para maka pauli sa ila nga tagsa ka balay ang apektado nga mga pumuluyo.
Samtang mga soldado ang gindala na sa ospital sa Escalante suno kay Lasap kag yara sa estable nga kondisyon.
“(pero confirmed sir na 3 lang na wounded ?) yun ma’am. Yun ang confirmed. (stable naman ang condition nila sir?) okay naman according sa investigator natin, okay naman sila. Hindi naman ganun kalala yung tama nila”, suno kay Lasap.