Apat ka mga bangkay ang separado nga ginpang-exhume ukon gin pangkalkal sang kapulisan agud makit-an ang na-missing nga persona sa Bacolod.
Duha ka mga bangkay sa patyo sa banwa sang Murcia ang ginkalkal sang kapulisan para makuhaan sang DNA samples.
Kasubong man sini ang ginhimo sa duha pa ka mga unidentified nga mga nasapwan nga bangkay nga nalubong Bago City.
Ginpaathag ni Bacolod City Police Office Operations Officer Police Major Joery Puerto kinahanglan nila nga makumpara ang mga nakuha nga DNA samples sa mga bangkay nga sarang mag-match sa na-missing nga persona nga taga-Barangay Singcang-Airport sang 2022.
Kabahin ini sang nabaton nila nga mando gikan sa Korte Suprema angut sa gin-file nga Writ of Amparo sang pamilya sang na-missing nga lalaki sang 2022.
Istorya ni Puerto, na-detain sa Police Station 8 ang na-missing nga persona sang Setyembre 2022 tungod sang kaso angut sa pagpangawat.
Sang ila ini nga ma-release, nagpabilin ini nga missing tubtob karon.
Ang Supreme Court ang naga-issue sang Writ of Amparo kabahin sang tikang batuk sa mga ginapatihan kaso sang extrajudicial killings kag enforced disappearances sa tuyo ma-proteksyunan ang constitutional rights to life, liberty kag security.