Tatlo ka mga grupo ang nag baton gikan sa probinsya sang Negros Occidental sang solar panels upod ang pila ka mga accessories.
Ini may kaangtanan sa Renewable Energy Appreciation Day kun sa diin ginpatigayon ang ceremonial turn-over kaina sa Provincial Capitol.
Ang Gaid Mambugsay ISF Project Minority Association ang nagbaton sang isa ka unit sang 1horsepower surface pump kag lima ka 550 MW solar panels.
Ang Negros Economic Development Foundation naman nag baton sang apat solar panels, inverter kag accessories, kag ang University of St La Salle Training Farm sa Brgy Granada sa Bacolod ang nag baton sang isa ka unit sang 3 horsepower submercible pump kag walo ka unit sang solar panels upod accessories.
Suno kay anay Governor Rafael Lito Coscolluela ang Provincial Consultant for Energy and Environment concerns, 4,800 pesos ang bili sa karon sang kada panel.
Namutikan man nila ang shortage sa solar panels sa karon dala man sang pag taas sang demand sa pag gamit sang renewable energy.
“This is very good news for us, because it shows we have actually already adopted the call for Renewable Energy transition in Negros Occidental”, suno kay Coscolluela.
Labing ginapasalamat naman sang mga recipient ang donasyon bangud ini ang makabulig sa ila nga kinahanglanon sa power supply kag tigayon man sila nga mga makaninot.
Mahimo suno kay Governor Eugenio Jose Lacson sa palaabuton basi maka panghatag man sila sa iban pa.
“When used correctly and maintained properly you will not only be able to use these power systems for your electricity needs but you will be able to minimize your electricity bills. It is my hope that with the savings you achieve from the use of this RE power systems you will be able to channel the funds to more productive uses directly benefiting the people you serve”, suno kay Lacson.
May isa man ka pribado nga kumbuyahan nga naghatag sang solar panel sa Araal Elementary School, Nailab Extension sa La Carlota City.