Tatlo na sa karon ka LGU sa Negros Occidental ang nag upgrade gikan sa red padulong sa pink may kaangtanan sa African Swine Fever Zoning. Una na nga na report ang pag upgrade sa Pink Zone sang banwa sang Pulupandan. Suno sa Provincial Veterinary Office nalakip na sa na-upgrade sa Pink Zone amo ang Silay City kag Hinigaran.
Suno kay Dr Placeda Lemana ang provincial Veterinarian, kun yara na sa pink zone, makabig na nga ASF-free ang LGU. Pwede na sila maka declare ASF freedom locally. Dugang pa niya, officially pwede nga mag-sugod ang ila nga sentinelling activities, kag pwede naman sila maka apply para sa pagkilala ukon para sa recognition sang active surveillance, nga requirement para sa shipment sang mga baboy pa gwa sa probinsya.
Ang pag upgrade sa Pink Zone suno kay Lemana nagakasayuran napatuman ang series of surveillance natungdan nga LGU nga nagalakip sang blood collection para sa laboratory test kag ang resulta negative na sa ASF. Upod naman diri ang submission sang mga LGU sang mga gina regquire nga dokumento.
Nalakip sa ASF Red Zone sa Negros Occidental ang Escalante City, Kabankalan City, La Castellana, San Carlos City, Valladolid kag Victorias City.