Sang Sabado gin suguran na sang Spaghetti Wires Task Force nga gina tapuan sang mga telecommunications company, Central Negros Electric Cooperative, PNP, City Engineers Office, DRRMO, kag mga barangay ang paghipid sa mga naga lambod kag naga laylay nga mga kable.
Sa San Juan Street kun sa diin may tinuig na nga nga mga naga lambod nga mga kable ang gina una himos nga gin updan ni Bacolod City Mayor Albee Benitez.
Domingo nga adlaw nagsige pa gid ang task force sa pagpanghimos kag ginsapul man ni Benitez ang mga punong barangay tuhoy diri.
Kaina nagapadayon sa gihapon ang pag trabaho sang task force. Nahipid na ang iban nga mga kable.
Gina plano man sa karon sang Benitez administration ang pag butang sa underground sang mga kable.