Commanding General sang Philippine Army ang nagpahayag nga nangin maayo ang pagpatuman sang operation sang tropa sa siudad sang Himamaylan.
Suno kay Lieutenant General Romeo Brawner, Jr., ang target sang militar amo ang pag dismantle sang guerilla fronts bangud nga ini amo ang naga pamentaha sa pumuluyo kag naga gamit sang armas para malab-ot ang ila mga nga mga tinutuyo. Bagay nga suno kay Brawner, sarang man lamang makuha sa mas malinong nga pamaagi.
Suno kay Brawner ang gina patuman karon sang 303rd Brigade sa idalom sang 3rd Infantry Division ang kabahin sang over-all nga kampanya para matapos ang local communist armed conflict. Wala labot sa combat operations nga gina patuman, nalakip man diri suno kay Brawner ang mga tikang para madaog balik ang mga pumuluyo.
“Parte ito ng over-all campaign natin to end local communist armed conflict. Aside from the combat operations we are doing kasama na dito ang efforts natin, to win the hearts and minds. Hindi puro giyera,” suno kay Brawner.
Wala sa gihapon sang clearance nga gin hatag para sa mga evacuees sa Himamaylan, nga sila ang makabalik na sa ila nga puluy-an. Suno kay Brigadier General Inocencio Pasaporte, ang pamuno sang 303rd Brigade sang Philippine Army padayon sa gihapon ang assessment.
Yari si Brawner sa Bacolod sa Philippine Army Multi Sectoral Advisory Board nga pagsinapol. Ang MSAB ang naga hatag sang advise sa Philippine Army Units bahin sa Army Transformation Road Map.