Shadow

Talisay PNP magapasaka sang kaso vs sa himata nga nag tago sa mga pugante

Pamunuan sang Bureau of Jail Management and Penology 6 nagapaandam sa posible nagasapopo sa duha sa lima ka mga pugante sang Negros Occidental District Jail.

May masobra na duha ka semana nga gina-manhunt sang katapo sang Bureau of Jail Management and Penology 6 upod sa kapulisan ang duha sa lima ka mga persons deprived of liberty ukon PDL nga nalagyo sa Negros Occidental District Jail sang Hunyo 29.

Sang nagligad lang nga Biyernes sang nalab-ot sang mga otoridad ang mga pugante sa ila gindayunan nga balay sa Hacienda Ambulong, Barangay San Fernando sa siudad sang Talisay.

Suno sa katapo sang Talisay City PNP, may pagbayluhanay sang lupok resulta nga natiruhan kag napatay ang kaupod sang duha nga si Danilo Celeste.

Si Celeste ang utod ni Marvin Celeste nga napatay man sa manhunt operation sang PNP kag BJMP sa banwa sang Murcia sang Hunyo 30.

Nadakpan naman sadto ang ila kaupod nga PDL nga si Daniel Tamon.

Ginsiling ni Dogelio nga sarang mapasakaan sang kaso nga harboring of criminal ang mga persona nga nagabulig sa mga pugante agud makapalagyo sa nagalagas nga otoridad.

Gani sa madasun nga semana natalana man magpasaka sang kaso ang Talisay City PNP batuk sa tag-iya sang balay nga gintiniran sadto sang mga nakapalagyo nga PDL.

Leave a Reply

Your email address will not be published. Required fields are marked *

Secured By miniOrangeSecured By miniOrange