Nagligad lang nga Nobyembre sang nasaylo ang opisina sang Bacolod Traffic Authority Office sa Bazket Bacolod sa dalan Lacson halin sa compound sang Bacolod City Police Office sa Barangay Singcang-Airport.
Pero sa Lunes liwat nga ibalhin ang BTAO office halin sa dalan Lacson pakadto sa compound sang City Agriculture Office sa Barangay Alijis.
Ginpahayag ni BTAO head, Patrick Lacson, wala makapasar sa requirements sang Commission on Audit ang pasilidad nga gina arkilahan sang siudad sa P80,000 kada bulan.
Gani ginpakamaayo nila nga magbalhin sa natukod anay rehab facility nga karon wala na ginagamit sa sulod sang City Agriculture Office compound.
Magluwas sa BTAO gina akupar na sang pila pa ka departamento nga nagbiya sa daan nga city hall ang iban pa nga pasilidad nga gintukod sang nagpeak sadto ang pandemic.