Tag: Negros news

Calatrava PNP photoPatay na sang masapwan sang mga pumuluyo kag otoridad ang isa ka estudyante kahapon sa dalan malapit sa suba sa Barangay Minapasok banwa sang Calatrava.Ang biktima amo ang 19 anyos nga si Nonie Boy Pales.Suno kay Major Roberto Indiape, las 5 sang aga kahapon sang makabati sang lupok ang mga residente kag ila na lang nasapwan ang bangkay ni Pales nga may igu sang bala sa iya agtang kag liog.Dugang pa ni Indiape, nag gwa sa ila nga balay sang Miyerkules sang gab-i si Pales matapos ini maka baton sang text message sa iya na may emergency.Pagkadason nga adlaw natabo ang pagtiro sa iya.Gina hibalo pa karon sang PNP kun ano ang nangin motibo sang suspetado.

Wala na sang may naka quarantine sa healing facilities sang Silay kag Cadiz sa karon. Naga pabilin na man lang nga single digit ang naka quarantine sa healing facility sa EB Magalona.Ini suno kay provincial administrator Rayfrando Diaz nga nag siling sang Hwebes, nga padayon ang pagnubo sa karon sang kaso sang Covid - 19 sa probinsya.Ang occupancy rate naman sang ospital sa Cadiz nga nagapabilin subong nga isahanon nga Covid hospital sang probinsya ang yara na lamang sa 30 percent. Sa datus sang Provincial Incident Management Team, 321 ang Active Covid 19 cases sang Negros Occidental se December 9 sini nga report.Wala naga untat ang probinsya sa pagpahanumdom sa publiko nga bisan pa nag panaog na ang Covid cases kag naghalog na ang restriction indi pagkalipatan ang pag gamit sa...

Sipalay LGU photoMiyerkules sang gab-i nangitlog ang isa ka Olive Ridley sea turtle sa kilid sang baybay sa public beach sang Sipalay City.Una nga nakita sang isa ka residente ang naga pangitlog nga pawikan kag ini ang gilayon nga gin respondehan sang Bantay Dagat. Ila man gilayon nga ginkudalan ang iya sini pugad kag mga itlog.Gina paabot nga sa Pebrero pa ma hatch ang mga itlog.Ang Olive Ridley sea turtle nga naga lapad sa 66 cm kag naga laba 70 cm ang gilayon ginbalik na sang Bantay Dagat sa baybay nga amo ang iya natural habitat.