Tag: Bacolod news

Dec132021 by Nico DelfinNo Comments

CHO nagpatigayon sang inspeksyon sa BQMH matapos ang gin alegar Hepatitis C outbreak

Nagpadala gilayon sang inspection team ang City Health Office sa Bacolod Queen of Mercy Hospital para mausisa ang reklamu sang anum ka dialysis patient sang ospital nga gin-alegar nalatnan sang Hepatitis C.Sa sulat nga ginpadala sang mga tagreklamu sa opisina ni Vice Mayor El Cid Familiaran ila ginsiling nga may 60 tanan ang nalatnan tuga sang Hepatitis C outbreak sa Hemodialysis Center sang ospital humalin sang Hulyo.Ginpahayag sang tagdumalahan sang BQMH nga ila na ginatun-an kag ginpausisa sa medical kag legal department ang ginpadangat nga reklamu sang mga dialysis patient.Bwas sa hapon sila ang natalana maga-atubangay sa hearing sang Committee on Health sang Sangguniang Panlungsod sa Bacolod City Government Center.

Dec142021 by Nico DelfinNo Comments

76 na ang nalatnan sang Hepatitis C tuga sang outbreak nga ginapatihan naglapta na sa BQMH

Balita Hiligaynon

Sa hearing nga ginpangunahan ni Councilor Cindy Rojas,pamuno sang Committee on Health napat-ud nga 76 na sa mga dialysis patient sang Bacolod Queen of Mercy Hospital ang nalatnan sang hepatitis C.Indi pa mapat-ud kun diin naghalin kag paano nagsugod ang pagsaka sang hepatitis C sa mga pasyente sang ospital.Pero bangud sang outbreak, ginpasiguro ni Rojas nga natagaan na sang atensyon ang kakulang sang machine kag hospital personnel sa hemodialysis center sang BQMH.Kasubong man nga masabat ang kinahanglanon mga laboratory check-up kag pagpabulong sang mga dialysis patient nga nalatnan sang balatian.Ang tiglawas sang BQMH ang nagpasalig na sang libre nga consultation, bulong kag laboratory works para sa mga pasyente nga nalatnan sang balatian.Ini magluwas sa mass testing k...

Dec142021 by Nico DelfinNo Comments

Herd immunity target malab-ot sang Bacolod sa adlaw sang paskwa

Balita Hiligaynon

Siudad sang Bacolod dako ang pagsalig nga malab-ot ang herd immunity sa adlaw sang paskwa.Yara na sa kapin nubentay dos porsyiento ang nabakunahan sa masobra 410 mil ka indibidwal nga target mabakunahan sang Bacolod.Masobra na sa stenta porsyiento ang fully vaccinated.Suno kay Em Ang, executive director sang Emergency Operations Center, kun indi lang bangud sang ginapaabot nga Bagyo Odette rason sang pag-suspend sang ikaduha nga National Vaccination Days sarang nga malab-ot sang siudad ang herd immunity antes sang adlaw sang paskwa.Ang pagsaka sang kadamuon sang nabakunahan sang Covid-19 vaccine ang ginapatihan sang EOC kabangdanan sang pagnubo man sang covid 19 cases kag death pati na sang healthcare utilization capacity dungan sa pagpaidalom sa Bacolod sa alert level 1.

Dec142021 by Romeo SubaldoNo Comments

Handum sang mga iloy nga mag angkon sang kapehan lapit na lang matuman

Good Vibes

Dec142021 by Barbara MijaresNo Comments

Negros Occidental disaster teams gin paidalom sa red alert bangud sang bagyo

Balita Hiligaynon, Digicast Negros X

Mga disaster teams sa Negros Occidental ang ginpaidalom sa red alert status sa tunga sang threat nga gina dala ni tropical cyclone Odette.Gina paabot nga maga labay sa Southern Negros ang bagyo pero suno sa pamuno sang Provincial Disaster Management Program Division, ang bilog sa gihapon nga probinsya ang ma apektuhan bangud sang kalapad kag kakusog sang ulan nga paga dal-on sini.Ang pag tinlo sang mga waterways kag pag review sa mga contingency plan ang ginaduso. Suno kay Caelian tuga man sang mga pag ulan-ulan sa nagliligad nga mga adlaw may paghumok na sa duta gani mag aligmat sa mga landslide.Sa report gikan sa Mines ang Geosciences Bureau, may 20 ka mga barangay nga na classify very high landslide. Ini amo ang Brgy Igmayaan kag Pandanon sa Don Salvador Benedicto, sa Silay ...

Dec132021 by Barbara MijaresNo Comments

Provincial Lagoon ginbuksan na liwat sa publiko

Balita Hiligaynon

Bukas na ang Provincial Capitol Park and Lagoon.Ini suno kay provincial administrator Rayfrando Diaz kasunod sang pag pa gwa ni Governor Eugenio Jose Lacson sang Executive Order nga naga mando sang liwat nga pagbukas sang Lagoon.Suno kay Diaz santo sa protocol, limitahan sa 70 percent sang kapasidad sang lagoon ang maga sulod diri kag mismo ang probinsya na ang maga control sang pag sulod sang mga maga bisita.Bukas ang lagoon suno kay Diaz sa ano man nga pang edaron ayhan sa luyag mag exercise ukon mag bisita lamang.

Dec132021 by Nico DelfinNo Comments

Presyo sang prutas gina paabot nga maga saka sa madason nga semana

Balita Hiligaynon

Amat amat na gid man nga nagadamo ang tawo sa Bacolod Central Market.Pero indi pa mabatyagan bisan sang pila ka mga manugbaligya sang prutas ang Christmas rush bangud madiutay pa lang ang mga bumalakal.Ginapaabot nila ang pagdagsa sang mga bumalakal sa madasun nga semana kadungan sang pagsaka sang presyo sang prutas samtang nagahilapit ang Adlaw sang Paskwa.Suno kay Merlita Doromal, may nagapamakal na gid man sang prutas para sa 12 fruits collection, ugaling binilog lang ang baklanay.Tag tatlo shien ang mansanas sa karon pero sarang ini magsaka sa tag lima tubtob napulo ka pesos ang bilog depende sa klase kag kadakuon.Ang kilo sang ubas nga tag-dos shientos tubtob dos shientos sinkwenta pesos depende sa klase ang sarang magsaka sa biente tubtob trenta pesos.Napulo t...

Dec122021 by Digicast Negros StaffNo Comments