Nagsabat na ang CEO sang RGS World Marketing Corporation nga karon gina reklamo sang pila sini ka mga investors nga naga alegar ila gin palagyo ang minilyon nga kwarta nga gin invest sang mga ini.
Lunes sang gab-i sang gin dagsa sang tagreklamo ang Police Station 8 bangud sa gina reklamo sang investors ang RGS bangud sa nagsarado na ang ila sini nga opisina sa Barangay Tangub kag kuno indi naman ma contact ang tag iya.
Gin tawag pa ni Police Major Joery Puerto, pamuno sang Police Station, nga ang investment company ang isa ka scam.
Pero ang CEO sang RGS nga si Rodolfo Garcia Salarda Jr. ang nag padala sang iya nga statement sa Digicast Negros kun sa diin iya gin pahayag nga wala siya naga panago kag nag bakasyon lamang kun tani siya.
Magapadayon man ang ila opisina sa pag verify sang mga claims suno kay Garcia.
Samtang gin pahayag naman ni Puerto nga wala pa liwat maka balik ang mga tagreklamo. Sila ang promisahan pa man suno kay Puerto sang ila nga payout sa bwas.
Bukas man sila inkaso magpasaka gid man sang kaso ang mga investors.