Shadow

Mga barangay sa Bacolod may kaugalingon na nga TF Disiplina

Taculing PIO photo

Mga barangay sa Bacolod City ang naghimo na karon sang ila tagsa ka mga Task Force Disiplina para magbulig sa pagpanaway sang mga wala nagasunod sa minimum health protocols.

Ginpahayag ni Vice Mayor El Cid Familiaran nga ginmanduan ang mga punong barangay nga magporma sang ila kaugalingon nga task force bangud indi masarangan sang task force sang siudad ang paglibot sa tanan nga barangay.

Ang task force nga ginporma sang mga barangay ang magalibot sa dalanon kag magapangsaway sa mga wala nagasuksuk sang face mask, face shield kag wala nagasunod sa physical distancing.

Sarang man sila mag issue sang citation ticket sa mga nagasupak sang health protocols.

Ginmanduan man ang mga task force nga pangkuha-on ang mga ring sa mga basketball court sa mga barangay para malikawan ang pagtilipon-tipon kag paghampang sang mga pumuluyo sa lugar.

May mga barangay man nga nagarekurida para magpahanumdum sa publiko sang local health protocols.

Secured By miniOrangeSecured By miniOrange