Swimming instructor nga napatay samtang naga scuba diving sa Sipalay City, wala na trap sa coral reefs kundi na cardiac arrest. Nasapwan na lang nga naga lutaw sa baybayon sang isa ka resort sa Sipalay City ang 57 anyos nga rescuer kag swimming instructor nga si Henry Aguillon sang kahapon sang hapon.
Dead on arrival ini sa ospital. Sa initial nga impormasyon sang Coast Guard – Sipalay, si Aguillon ang na trap sa coral reef amo kun ngaa siya ang nalumos.
Pero suno naman kay Dionilo Bogtae, head sang Public Safety kag Sipalay Emergency Assistance and Rescue Services, cardiac arrest amo ang gin tunaan sang kamatayon ni Aguillon base sa findings sang City Health Office.
Posible suno kay Bogtae nga gin atake sa kurason samtang yara sa idalom sang tubig ang biktima kag ini ang nasapwan na lang nga naga lutaw.
“Indi ta man siya ma ano sina nga na trap siya sa coral reef kay wala man na da siya sang anhan nga ma trap siya sa coral, so buot singganon may mga medical condition na siya nga indi gid ano sa lawas niya bala,” suno kay Bogtae.