Nagbaliskad ang isa ka SUV matapos nakabunggo sa Bata-Libertad nga jeep Domingo sang aga sa intersection sang South Capitol Road- Gatuslao St., siudad sang Bacolod.
Ang SUV ang gina maneho ni Jonafaith Gutierrez upod ang iya anum ka tuig nga bata nga lalaki samtang ang jeep naman ang gina maneho ni Fernando Allera.
Suno sa jeepney driver, tatlo sa 17 niya ka mga pasahero ang pilason bangud sang insidente kag gina alegar sini nga madasig ang pagpadalagan ni Gutierrez rason nga nagbunggo ini kag nagbaliskad.
Halin sa Brgy. Bata padulong sa Libertad ang jeep kag ang SUV ang naga sugata sa ila.
Gin dala na sa ospital ang mga pilason nga naga lakip sang driver sang SUV kag iya anak samtang nagapadayon pa ang imbestigasyon sang Police Station 2 sa amo nga insidente.