Patay si Ildefonso Medalla samtang pilason naman ang iya misis nga si Denalyn Medalla matapos nga ginpangtiro pasado la una kaina sang kaagahon sa gwa sang isa ka grocery store sa Barangay Concepcion Public Market sang duha ka mga gina-alegar nga mga kawatan.
Suno sa mga residente ang mag-asawa ang nagpadulong sa ila nga karinderya agud magbukas sang bloke kag magluto bangud nga market day, apang wala sila makahibalo nga ginransak na ang katupad nila nga tiangge.
Nanaog sa motor ang mga biktima sa gwa sang ila store sang hinali na lang nga ginpang tiro sila sang mga kawatan.
May mga igo sang bala sa dughan ang mister samtang isa naman ka igo sang bala sa tiyan ang naagum
sang iya misis.
Nakapalagyo ang misis kag nakapangayo sang bulig sa mga tanod kag residente.
Nakuha sang mga suspek ang bag sang lalaki nga biktima nga naga-unod sang 3,000 pesos nga cash kag cellphone
Ang mga kawatan ang nakasuksok sang bonnet kag naka jacket.
Nakuha nila ang kapin sa P50,000 nga benta kag mga groceries kag sigarilyo sa store.
Sa Bacolod City naman, gin-post ni Jaysel Bergman ang screenshot gikan sa CCTV sang isa lalaki nga nagsulod sa ila nga balay sa Purok KBS sa Barangay Sum-ag.
Nabugtawan niya ang kawatan nga hana pa lang mangawat pero nalagyo ini sang nakita siya. Luyag niya lang nga paandaman ang iban nga mga pumuluyo.
Viral man ang facial sketch sang isa ka persona nga nag sulod sa isa ka puluy-an sa Barangay VIllamonte sa Bacolod.
Sa post ni Aia Isabel Cayao Gedalanga nakibot na lang sila sang makita nga may tawo na sa ila nga banyo tigayon sini nga napalagyo ang ila nga kahita kag cellphone.