Sa tunga sang pagbubo sang ulan Miyerkules sang gab-i., nagbungguanay ang isa ka passenger bus kag SUV sa Barangay Pilar, banwa sang Hinigaran.
Wasak ang panguna sang Ceres bus kag buka man ang windshield sini. Ang SUV naman naglabog sa kampo bangud sang kakusog sang impact.
Patay ang driver sang SUV nga ginkilala sa kay Jenny Bert Valois Eliver, 31 anyos, matapos makaangkon sang pilas sa ulo. Pilason naman ang tatlo ka sakay sang Ceres bus.
Sa imbestigasyon sang PNP, padulong sa norte ang SUV kag nagasugata ang Ceres bus nga ginamaneho ni Rene Pacheco. Gin-detain siya sa custodial facility sang Hinigaran PNP.