Patay ang 29 anyos nga si Raymund Apelledo matapos gintiro kagab-i sa Purok Nangka, sa Barangay 3 sa Bacolod.
Suno sa kay Capt. Paul Vincent Pendon, hepe sang Police Station 2, na preso na sadto si Apelledo sa kaso nga illegal gambling kag gina tudlo man ini nga suspek sa pila ka mga kaso sang pag pangawat sa Bacolod.
Dugang pa ni Pendon, base sa ila impormasyon nga makig kita kun tani kagab-i si Apelledo sa iya mga ka grupo nga mga kawatan man.
May nag tawag sa iya kagab-i amo nga nag gwa ini sa balay suno sa misis sang biktima. Didto na nga gin tiro sa dalan si Apelledo sang makapila ka beses. Posible man nga masobra sa isa ang suspek bangud sang kadamuon sang bala nga na recover.
Isa sa gina tan-aw karon nga anggulo sang PNP amo nga lansihanay sa tungaay sang kwarta sa grupo amo ang rason sa pag patay kay Apelledo. Padayon pa ang imbestigasyon sang kapulisan.