Patay ang 18 anyos nga pasahero sang jeep nga si Jinky Benigay samtang pilason naman ang pito ka iban pa nga sakay sa jeep lakip na ang konduktor matapos mahulog sa pil-as ang ila ginasakyan nga jeep sang Sabado sa kilid sang highway sa Barangay Hagtu sa Mabinay, Negros Oriental.
Ang jeep ang naga byahe gikan sa Kabankalan padulong sa Mabinay.
Sa imbestigasyon sang PNP, samtang naga padulhog sa kurbada nga bahin sang dalan, gulpi na lang nadulaan sang preno ang jeep amo nga nag rekta ini kag nahulog sa pil-as.
Napilpilan sang jeep si Benigay amo kun ngaa napatay siya. Gindala man gilayon ang pito ka iban pa sa ospital. Gin detain man sa Mabinay PNP ang driver sang jeep.