Ang Pag-ibig membership kabahin sa mga requirement para sa mga informal settlers nga maka avail sang housing project sang siudad sang Bacolod.
Suno kay Mayor Albee Benitez ila na ginasuguran karon socio-economic survey sa mga barangay para sa pre-qualification kag mabuligan man ang mga informal settlers nga interesado magbalhin sa mala-condo unit nga housing project.
Buligan man sila sang siudad nga maka enrol sa Pag-ibig.
Tuyo sang Benitez administration nga pinaagi sa natukod nga kontrata upod sa Department of Human Settlement and Urban Development mabalhin sa housing project ang kapin 10,000 ka mga informal settlers sa siudad.