Ginsiling ni Bacolod City Mayor Greg Gasataya nga nagnubo sang 13 million liters per day ang suplay sang tubig sang BACIWA-PrimeWater.
Ini bangud sa nagapadayon nga dry spell. Kon sang una sarang pa sang BACIWA-PrimeWater nga maka suplay sang 100 million liters per day, sa karun yara nalang ini sa 87 million liters per day.
Sandig sa datus, ang suplay sang tubig sa Bacolod North nagnubo gikan sa 24 MLD karon 16 MLD na lamang. May mga pipeline leakages man nga nakita kag mga damage sa reservoir. Ini ang nagtuga pa gid sang dugang nga pagnubo sang supply sang tubig.
Suno sa alkalde, madamo sang mga lugar sa siudad ang apektado sa amo pagnubo sang suplay. Lakip na diri ang Villamonte mag Estefania.
Nakigsapol na ang alkalde sa mga tiglawas sang BACIWA-PrimeWater agud mahatagan sang solusyon ang ka kulang sa suplay, ilabi na nga nagapadayon ang mainit nga panahon.
Isa sa mga solusyon sang siudad ang pag rasyon sang tubig sa mga pinaka-apektado nga mga barangay.
Sa karon, ginahulat pa sang alklade ang assessment report sang BACIWA-PrimeWater agud matumod man sang Disaster Risk Reduction and Management Office kon pila ka litro sang tubig ang sarang nila nga ma rasyon adlaw-adlaw kag kon ano nga mga lugar ang nagakinahanglan.*
[sibwp_form id=1]