Indi na malagas pa administratively sang probinsya ang immediate superior sang gin-dismiss nga agriculturist 1.
Ini suno kay Negros Occidental Governor Eugenio Jose Lacson.
Sini lamang nag gwa ang desisyon nga naga-dismiss kay Herminigildo Basilio may kaangtanan sa na missing nga 789 ka sako sang abono.
Nag panindugan si Basilio nga wala labot nga indi na siya ang in-charge sang bodega sa Bago City kun sa diin gin butang ang mga sako sang abono, ginsugo lamang siya sang iya immediate superior sadto nga si Alnel “Potchie” Taba nga batunon ang delivery.
Suno kay Lacson indi pa man nila mapat-od sa karon kun ano ang ila nga mangin tikang sa supplier sang amo nga abono.
Paathag niya, gina address man nila ang mga aksyon sang empleyado pero kun mahimo pa lang indi na sila luyag pa nga mag file sang kaso kirminal batuk sa mga empleyado.
Abiso ni Lacson sa kay Basilio nga imbes mag hatag sang iya nga paathag sa media, maga-file na lamang siya sang motion for reconsideration kag mag hatag sang iya paathag sa reklamo sa nagakaigo nga forum.
Ginakilala man ni Lacson nga may yara gid man sang pag panghangkat nga gina atubang ang talatapan sang OPA.
Sa idalom sang iya nga administrasyon, indi ini ang nahauna nga kaso sang pag dismiss sang empleyado.
Si Dina Genzola nga OIC ang naga pamuno sa OPA karon kasunod sang pag resign sang anay provincial agriculturist nga si Edmundo Raul Causing.
Si Causing ang nagbulos man sa kay anay agriculturist Atty Japhet Masculino nga nag-desisyon nga mag retire.