Sunog nagluntad sa residential area sa Barangay 5 sa Talisay City.
Masobra sa 40 ka mga balay ang nagkalasunog.
Sa video nga kuha ni Glenn Almonia makita ang madamol nga itom nga aso gikan sa Purok Pasil, Barangay Zone 5 sa Talisay City sini lang nga hapon.
Ang mga residente nagpanawagan online para sa dugang nga bulig bangud malapad ang area ang ginlamon sang kalayo.
Naga inikit-ikit lang ang mga balay sa lugar kag kalabanan sa mga balay himo sa mga bagay nga madasig masunog.
Makita sa video nga may bombero pa nga naga latag sang hose kag naga lakat pasulod sa area bangud tuman ka gamay sang alagyan kag indi maka igo ang firetrucks sa dalan.
Ang mga pumuluyo naga kinarankaran kag naga tinguha nga masalbar ang pwede pa masalbar nga mga pagkabutang.
Sa drone shot naman ni Jose Antonio Robello, ang deputy Chief sang Bacolod Traffic Authority Office makita ang kalaparon sang area nga nahalitan sang kalayo.
May mga residente nga naga hilibion labi na ang yadtong wala may naluwas nga pagkabutang.
Sa inisyal nga impormasyon gikan sa DSSD sang Bacolod, 48 ka mga balay ang destroyed kag duha ang partially damaged.