Isa ka magamay nga sunog ang nagluntad sa Budget Office sang Kabankalan City Lunes nga adlaw.
Gilayon man nga na tapna ang sunog kag nalikawan nga magtuga sang dako nga halit.
Ginsiling ni Fire Officer 3 Alfir Gravela, fire investigator sang Bureau of Fire Protection sa Kabankalan, under investigation pa ang gintunaan sang sunog.
Apang sa ila inisyal nga imbestigasyon, may nagapaninlo sang mga nagalapta nga pinta gamit ang paint thinner sa sulod sang opisina sang gulpi lang nag-igrab kag nagkalayo.
Pila ka mga pulungkuan kag lamesa ang naguba bangud sang sunog. Maswerte nga wala sang may nasamaran sa insidente.
Nagpasiguro naman si Kabankalan City Budget Officer Joemil Porol nga wala sang nasunog nga mga dokumento kag ang tanan nga mga importante nga records kag files ang “intact” kag “secured.”
Yara sa ginabulubanta P10,000 ang inisyal nga halit sang kalayo.