Sunod-sunod nga linog nga na-record kag nabatyagan sang nagliligad nga inadlaw sa Sipalay City ang tectonic quakes ukon tuga sang movement sang tectonic plates.
Paathag ni Teresito Bacolcol ang pamuno sang Philippine Institute of Volcanology and Seismology may yara sang active fault kag trench sa western side sang Negros. Gani kun may movement masami mabatyagan ini sa Sipalay. Dugang pa ni Bacolcol kun may sunod-sunod nga mga pagtay-og sa Sipalay sini nga mga inadlaw indi ini precursor ukon patimaan sa isa ka bagay nga umalabot. Indi kaangay sang volcanic quake nga kun mabatyagan, pwede masiling sarang mag paabot sang eruption. Ang mga pagtay-og nga sunod-sunod, normal ini sa mga earthquakes nga kun kaisa gani wala man sang may mga ma-record ukon mabatyagan, kag kun kaisa random suno kay Bacolcol.
“Hindi naman unusual yan. Kasi may mga active generators, may active faults, may mga trenches tayo sa Western side of Negros. Kapag may malaking lindol sa Negros trench maramdaman yan sa Sipalay”, suno kay Bacolcol.