Gobernador naga pati nga wala naman gid sang may mahimo pa nga iban kundi mag pangamuyo. Ini sa tunga sang liwat nga pag buga sang abo sang bulkan Kanlaon.
Miyerkules may ash emission activity ang bulkan kun sa diin, 1,134 ka tonelada ang sulfur dioxide flux, 600 meters ang kataason sang emission kag inflated ang edifice.
Wala naman sang may na record nga volcanic activity.
Bulan lamang sang Agosto makaligad ang walo ka bulan sang lubos nga nakapauli ang mga na displace nga pumuluyo bangud sang paglupok sang bulkan Kanlaon.
Samtang, padayon ang clearing sa Ibid Creek sa BiaknaBato sa La Castellana.
Dala sang mabunok nga ulan nagdaludo naman ang tubig.
Tigayon na nga makailig sa karon ang tubig sa tamburong sa idalom sang taytay.
Pero isa sa mga ginabantayan nila suno sa incident commander sang Incident Management Team sang La Castellana, nga si Remuel Lajo, amo nga maanod man ang nabilin pa nga mga volcanic materials gikan sa ibabaw.
Sa report sang Disaster Risk Reduction Management Office sang Negros Occidental, as of September 10, yara sa 976 cubic meters sang volcanic materials ang na clear gikan sa barado nga sapa.
28,000 cubic meters ang estimated volcanic materials nga kinahanglan iga clear sa area.
May hinyo man nga kuntani madugangan ang mga heavy equipment sa lugar para mapasig ang trabaho suno kay Governor Lacson, may yara pa man sang iban nga LGU nga naga hinyo sang bulig sang probinsya.
Gina estimate magalawig sa isa ka tuig kag mahuman ang clearing operation.