Ginsiling ni Councilor Jason Villarosa, pamuno sang Committee on Tourism nga plano nila idungan sa opening ukon closing sang Batang Pinoy 2026 ang paghiwat sang tuigan nga Festival of Lights sa Bacolod City kada Disyembre.
Ginpangabay na sang konsehal si Bacolod City Mayor Greg Gasataya nga ipatawag ang komitiba sang Festival of Lights agud maplastar na ang kahiwatan, ilabi na nga tatlo nalang ka semana ang nabilin antes ang Disyembre.
Suno kay Villarosa, sandig sa ordinansa sang siudad kada una nga Domingo sang Disyembre ginapatigayon ang Festival of Lights, apang ginaduso nila sa karun nga i-upod nalang ini sa Batang Pinoy para mas mangin dako ang selebrasyon.
Ini ang dugang nga kalingawan para sa masobra 35,000 ka mga atleta nga magapadulong sa siudad para sa Batang Pinoy nga pagahiwaton sa Disyembre 12 tubtob 18.
Sa Disyembre 12 man ang parade of stars sang Metro Manila Film Festival kag isa sa mga ginapaabot nga bisita si Vice Ganda para sa ila nga film entry nga The Greatest Showdown kaupod si Vic Sotto.
[sibwp_form id=1]