Katapo sang United Negros Sugar Federation ang nagsugot sa plano sang Department of Agriculture nga mag-import sang dugang nga 200,000 metric tons sang kalamay.
Nagapati si UNIFED president Manuel Lamata nga sarang magpahagan-hagan sang sugar shortage ang plano sang DA sa pag-import sang 200, 000 metric tons sang refined sugar antes pa man magsugod ang milling season sa Setyembre.
Ang delay sa harvest sang sini nga crop year ang resulta sang El Nino phenomenon.
Gani nagpabor ang UNIFED sa plano sang DA.Ginpahayag ni Sugar Regulatory Administrator Paul Azcona, nagpaidalom na sa pre-qualification ang mga sugar importers nga gintagaan sang kahigayunan nga mag-supply sang imported nga refined sugar sa pungsod sandig man sa na-issue nga Sugar Order no. 2.
Ang SO no.2 ang ginpatuman agud mapangapinan ang mga local farmers nga dapat mabaklan sang supply sang mga sugar traders antes maka-qualify sa sugar importation measures.
Ang pamunuan sang SRA natalana magasapol kay Agriculture Secretary Francisco Laurel antes ma-activate ang plano angut sa pag-import sang dugang nga supply sang kalamay.