4th District Board Member, Jose Benito Alonso naga laragway sang iya nga kaugalingon bilang reluctant candidate pero maga-sunod sa kun ano man ang mangin desisyon sang partido.
Ginpahayag ni Board Member Alonso sa katapo sang media nga hulaton na lamang ang mangin official nga announcement sang United Negros Alliance angut sa 2025 nga piniliay.
Damlag pa gin-report na nga si Alonso ang mangin vice-gubernatorial bet sang UNEGA.
Si Vice Governor Jeffrey Ferrer ang ginapaabot maga balik sa 4th District bilang congressman.
Ginsiling naman ni Governor Eugenio Jose Lacson nga kumportable siya nga mag-tandem kay BM Alonso.
Ginsiling ni Alonso nga sa 35 ka tuig niya nga pagpangalagad sa publiko wala na siya naghandum pa nga mag papili sa mas mataas nga posisyon.
Nagsugod siya bilang Barangay Kapitan sadto nangin ABC President, Vice Mayor sang Pontevedra nangin Mayor kag tubtob nangin Board Member.
Sa edad nga 65 nakapoy naman siya, pero indi siya maka pangindi sa partido suno sa iya.
“Reluctant ko nga candidate kun ako ang pilion nila, at my age… But I cannot say no to the party”, suno kay Alonso.