Ang Sugar Council kag mga labor groups ang naga panawagan sa Department of Agriculture kag sa Sugar Regulatory Administration nga aksyonan ang mill-gate price sang kalamay.
Naga paandam sila nga ang presyohanay karon nubo pa sa production cost kag ini ang naga apekto sa survival sang local farmers.
Ang Sugar Council nga gina tapuan sang Confederation of Sugar Producers, National Federation of Sugarcane Planters, kag Panay Federation of Sugarcane Farmers ang nag panawagan sang Lunes, Okutber 26, upod ang National Congress of Unions in the Sugar Industry of the Philippines-Trade Union Congress of the Philippines kag ang Democratic Association of Labor Organizations.
Sa ila nga press statement, ang market data sa una nga mga semana sang Oktubre naga pakita nga ang average raw sugar mill-gate price sa Negros Occidental yara sa mga P2,600 kada 50 kilogram bag.
Kun sadto, ini ang gina duso sang mga producer nga presyo, karon indi na sarang maka ginansya pa bangud sang pag mahal sang input kag ang pag nubo man sang farm productivity.
Ang grupo sa karon ang naga duso sang P2,900 per 50 kilogram bag para mangin baseline mill-gate price para man mabuligan ang mga planters recover gikan sa kagastuhanan nila sa abono, sa langis nga gingasto sa hauling kag farm labor.
Sa P2,600 nga market rate suno sa grupo, ang mga magagmay nga mangunguma kag mga Agrarian Reform Beneficiaries ang naga operate nga may kapierdehan.
[sibwp_form id=1]