Aprubado na sang Sangguniang Panlungsod sang Bacolod City ang subsidy nga riga-hatag sa mga barangay nga magapakigbahin sa Street Dance and Arena Competition sang ika 47 nga MassKara Festival.
Tig-750,000 pesos ang subsidy para sa walo ka mga barangay nga magasambuwa sa amo nga kompetisyon sa Oktubre 18.
Ini ang pagagamiton nila para sa ila costumes, props kag iban pa nga mga kinahanglanon para sa kompetisyon.
Samtang, may tig 300,000 pesos naman nga subsidy para sa mga barangay nga nag-intra sa Electric MassKara.
Ginsiling ni Councilor Jude Thaddeus Sayson, nga kun mapirmahan na ni Bacolod City Mayor Greg Gasataya kag sang mga participating barangays ang kontrata, iga-release na ang subsidy.
Samtang, gin-anunsyo man ni Festival Director Rodney Ascalon nga 500,000 pesos ang subsidy para sa mga eskwelahan nga magapakigbahin sa school category.
Ang Local School Board sang siudad ang maga approve sini. Pito ka elementary schools kag apat ka high schools ang contenders sa amo nga category.
Isa ka milyon ka pesos ang premyo nga makuha sang mangin kampyeon sang Barangay Category samtang 750,000 naman ang sa School Category.
[sibwp_form id=1]