Makapila ka beses nga nagtulok sa closed-circuit television camera ang isa ka lalaki antes nangawat sa isa ka poultry and feeds supply company sa Barangay Granada, Bacolod City sang Huwebes.
Suno sa tag-iya, nagbakal ang lalaki sang ginapatukaan sang manok kag syringe.
Apang bangud sa kasakuon sang tindera sa pag-display sang mga bulong, wala niya matalupangdan nga ginkuha na sang lalaki kag ginsulod sa dala sini nga bag ang isa ka box sang bulong sa estante nga inug-display pa kuntani.
Ang box naga-unod sang vitamins ka manok kag baboy nga nagabalor kapin P5,000.
Gin-post sang tag-iya ang CCTV footage sa Facebook agud makahatag awareness sa iban nga mga negosyante.
May pila ka mga netizens ang nakakilala sa lalaki sa video, nga ila gin-alegar taga Barangay 16 sa Bacolod.
[sibwp_form id=1]