Reklamo nga pag panghimulos ang gin-file sang iloy sang kinse anyos nga nasapwan sa katubuhan batuk sa iya sini nga live-in partner.
Miyerkules sang hapon tigayon na file ni Jennifer Galve sa Bacolod Prosecutor’s Office ang reklamo nga rape in relation sa Republic Act 7610 ukon ang Anti-Child Abuse Law batuk sa iya live-in partner nga si Rene John Nasis angut sa gina-alegar paghimulos sini sa iya anak nga si Pearl Joy Galve.
Ang National Bureau of Investigation – Bacolod ang nagbulig sa iya hikot sang kaso.
Suno kay William de Arca ang Executive Officer sang NBI ang kaso nga murder ukon ang pagpatay gid kay Pearl Joy ang ila nga ginatutukan, pero ila nga nadiskubrehan sa amo nga pag pangusisa nga biktima man sang sexual abuse si Pearl Joy.
Matapos nila nga gin subpoena sadto sa talatapan sang NBI si Nasis suno kay de Arca wala naman sila sang ihibalo kun diin na sa karon si Nasis.
Ang ulihi nila nga impormasyon amo nga nag pauli ini sa iya nga utod sa Handumanan.
Padayon sa gihapon ang ila nga case build up kag magluwas sa kay Nasis may duha tubtob tatlo sila ka gina lantaw nga mahimo persons of interest sa murder case pero ini ang under verification pa.
Na missing July 29 si Pearl Joy kag nasapwan ang bangkay sini sa La Carlota City Agosto 14.