Pamuno sang Sugar Regulatory Administration ang naga hinyo sa mga banwa kag siudad nga apektado sang RSSI nga mag deklara sang state of emergency ukon state of calamity.
Suno kay Administrator Pablo Luis Azcona sang SRA ang deklarasyon ang maga tugot sa Department of Agriculture kag SRA nga mapadasig ang procurement sa pagbakal sang pesticide nga gina kinahanglan kontra sa red striped soft scale insects.
Sa karon may 841.7 ka ektariya sa 21 ka mga LGU ang apektado sang RSSI. Mayoriya sa mga apektado nga lugar ang yara sa Negros Occidental. 465 ka sugar farmers ang apektado. Isa ka RSSI stakeholder forum ang gina patigayon sa Bacolod sini nga adlaw.
Ginsiling ni Department of Agriculture Regional Director, Engr Jose Albert Barrogo nga ang instruction sa ila ni Sec Francisco Tiu Laurel, Jr., amo nga hatagan sang lubos nga suporta ang mga apektado nga mangunguma. Ang DA ang may yara sang disinfectant vehicle nga sarang magamit sang mga RSSI affected farmers.