Sa December 1, ang target sang Sangguniang Panlalawigan sang Negros Occidental nga tigayon ma aprobahon ang 2027 budget sang probinsya.
Ini suno kay First District Board Member Marxlen dela Cruz nga amo man ang pamuno sang Committee on Finance. Dugang pa ni dela Cruz, November 19, 20, 26 kag 27 na ka schedule ang deliberation sang budget proposal upod ang mga department heads.
P8.52 billion ang proposed 2027 budget sang Negros Occidental. 11.81 percent ini nga mas mataas ukon masobra sa P900 million ang ginsaka kun ipaanggid sa 2026 budget.
Tuyo sini nga mapabakod ang delivery sang essential public services kag maduso ang mga priority programs sa health, agriculture, infrastructure, economic development, education kag human development sa idalom sang Abanse Negrense Priority Development Agenda.
“Looking forward by December 1 amo na ang official nga target namon as schedule as agreed with the board members, siempre ibalik pa namon, kun pwede man ang deparment heads sa scheduled namon,” suno kay dela Cruz.
[sibwp_form id=1]