Sa siudad sang Bago, may 237 ka mga senior citizen ang nag baton sang tig P10,000 nga cash gift. Ini matapos sila ang nagdangat sa edad nga 80, 85, 90 kag 95 anyos.
Ang pag panagtag ang gin patigayon sining Miyerkules nga adlaw upod man ang National Commission of Senior Citizens.
Ang pag hatag sang cash gifts sa natungdan nga mga senior citizen ang nakasaad sa Expanded Centenarians Act of 2024.
Nakasaad sa laye nga tig P10,000 ang mabaton sang isa ka Pilipino kun siya ang makadangat sa edad nga 80, 85, 90 kag 95 ayhan siya ang naga puyo sa pungsod ukon sa luwas.
Ang maka lab-ot naman sa 100 years old ang magabaton sang P100,000 kag isa ka letter of felicitation from the President.
Ang mga senior citizen ukon ang ila nga pamilya ang mahimo mag file sang application paagi sa Office of the Senior Citizens Affair ukon OSCA, ukon sa Social Welfare and Development Office.
May yara sang pormas nga dapat I-fill-out sang applicant. Sarang ini makuha sa natungdan nga mga talatapan ukon sa National Commission of Senior Citizen website.
Dapat iga-attach man ang Philippine Statistics Authority – issued birth certificate ukon photocopy sang National ID upod ang iban pa gid nga mga required documents.
Sila ang gina abisuhan nga mag submit sang ila nga mga papeles apat tubtob anum ka bulan antes ang ila nga milestone birthday.
[sibwp_form id=1]