Sangguniang Panlungsod sang Dumaguete City liwat gin deny ang resolution para bawion ang gin hatag nga authority kay Mayor Felipe Remollo sa pag lagda sang memorandum of agreement sa kontrobersyal nga “Smart City” project sa siyudad
Ina ang ika duha na nga tion nga gin deny sang council sang siyudad ang resolution.
Sa boto nga 6-5, naga pabilin ang desisyon sang konseho nga ihatag kay Mayor Remollo ang authority para mag sulod kag mag lagda sang memorandum of agreement
Sa Em Cuerpo Inc, ang construction firm nga damlag pa gin kwestyon ang kapasidad nga mag himo sang reclamation project.
Wala man nag appear sa SP session ang EM Cuerpo kahapon bisan pa gin imbitar sila sang nag ligad nga semana agud ila masabat ang mga palamangkutanon sang publiko.
Sang nag ligad nga semana nag patigayon man sang aksyon protesta ang nagkalain lain nga grupo batuk sa reclamation project.
Ila sa gihapon gin panawagan ang pag paiway sa proyekto nga ila gina siling magahatag sa dako nga halit sa marine life pati na sa palangabuhian sang mga pumuluyo sa siudad.